Secretaria Estado Arte Cultura halo Sosializasaun Kona Ba Biblioteca ho Centru Cultural

Iha loron 08 Outobro 2013, Secretaria Estado Arte Cultura liu hosi Diretora Geral, Cecilia Assis, halao sosializasaun ho comunidade iha hudi laran(Dili).

Iha Discursu ne Diretora Geral Secretaria Estado Arte Cultura, Cecilia Assis hateten Benefisiu saida mak bele lori mai iha comunidade hudi laran hosi contrusaun ne, tuir planu nebe mak iha fatin ne sei hari’i construsaun Biblioteca Nasional ho Centru Cultural.

Diretora Geral mos informa katak contrusaun ne hetan donatur hosi compania Mina, iha tempo neba 2008 compania mina ne halo asina acordu ho Ministerio Recursu Naturais no Autoridade Nasiona Petroleum(ANP). Iha Asina Acordu ne Compania Mina Husu ba ita nia governo saida mak imi hakarak ami halo, iha tempo neba ita nia governo decidi hakarak halo Biblioteca Nasional ho Centru Cultural.

Marka prezensa iha Sosializasaun ne Diretora Geral Secretaria Estado Arte Cultura, Cecilia Assis, Diretor Geral Ministerio Turismo Fernando Da Silva, Administrador Dili, Representante Diretor Ministerio Obras Publica, Representante Diretor Secretaria Terras Propriadade, Representante Diretor Ministerio Solidariedade Sosial, Representante Diretor Secretaria Seguranca, Xevi Suku, Xevi Aldea ho Funcionario Secreataria Estado Arte e Cultura.

Seminario Iha Suku Mehara,Subdistrito Tutuala, Distrito Lautem

Iha Loron 25 Septembro 2013, Rede Prevensaun no Konflitu(RPNK) halo Seminario ho Topiku : "Protégé O Nia Ambiente Protégé Ita Nia Future, Hamutuk Ita Hari’i Diak Ba Nasaun” iha fatin Aula Cede Suku Mehara, Distrito Lautem, SubDistrito Tutuala. Objectivo Hosi Seminar ne “ Hakbiit no haforsa lider komunitaria no autoridade governo nian, ba iha area Ambiantal nian hodi nune bele fo sira nia Konsentrasaun ba Dezenvolvimentu komunitaria nia, Atu fo mos informasaun ba komunidade oinsa atu bele komprende hodi protégé Ambiental nebe ohin loron sai amiasado.

Iha fatin refere Secretaria Estado Arte e Cultura Liu Hosi Direcao Nacional Arte Cultura Industria Criativas Culturais, Delega Chefe Departemento Industria Kriativa kultural, Sr. Faustino Dos Santos sai Orador ba Seminar ida ne, Tema nebe mak Sr. Faustino Dos Santos atu koalia iha seminar ne mak hanesan “PAPEL GOVERNO HODI PROMOVE E DESENVOLVE KULTURA NO UZUS TRADISIONAL IHA AREA PROTEGIDA”.

Marka Prezensa iha seminar ne Secretario Estado Meiu Ambiente, Sr Nomiando Soares Martins(Buras), Reprezentante Secretario Estado Floresta e Conservasaun da Natureza, Sr Manuel Mendes, Reprezentante NGO Belun, Sra Maria Marilia Oliveira da Costa, Governo Lokal no Komunidade. 

Reuniaun SEAC ho CEDAW

Reuniaun Secretaria Estado Arte e Cultura(SEAC), MAria Isabel de Jesus Ximenes ho Directora Centro Para A Mulher E Estudos Do Generu(CEDAW), Milena Pires ho UN WOMAN iha salaun Ministerio Turismo, farol Dili(20/09/13).

Objectivo hosi reunian ne atu fahe informacao no koopera ba malu kona-ba arte no cultura iha territorial timor leste. iha fatin hanesan Sra. Milena Pires mos koalia kona-ba projecto pilotu iha Oecusi ho jeneru arte no cultura nia iha Oecusi.

Iha Reunian ne sira koalia mos oinsa bele halo kooperasaun nebe diak entre SEAC ho CEDAW para bele fo formacao kona-ba halo tais orijinal ho kualidade diak.

Marka prezensa iha reunian ne directora geral SEAC, Cecília Assis , Diretor Geral MT, Fernando da Silva, Diretor Nacional Artes, Cultura e Indústrias Criativas Culturais SEAC, Carlos Freitas, Assesor Nuno Oliveira, Asesora Dália Mesquita.

Inaugurasaun Pousada Balibo

Ministru Turismo, Francisco Kalbuady lay, Akompana hosi Vice Presidente Parlemento Nasional, Aderito Hugo, Embaixador Australia, Embaixador Nova Zelandia, Administrador Bobonaro no Autoridades lokal Bobonaro ho konvidadus seluk hola parte iha serimonia Inaugurasaun Pousada Balibo, Iha Subdistrito Balibo, Distrito Bobonaro iha loron 17 Septembro 2013.

Iha okasiaun ida ne’e Ministru Turismo, Francisco Kalbuady Lay, ne’ebe mak Inaugura Pousada refere, iha ninia discursu badak konvida konvidadus no komunidade sira atu relembra fali akontesimentu iha 1975 liu ba, akontesimentu ne’ebe mak lori Balibo sai hanesan fatin historiku ba Timor-Leste, iha fatin ne’e jornalista Australianos nain lima hakotu sira nian Is.

Sua Excelencia Francisco Kalbuady Lay, hodi governo Timor Leste nia naran hato’o hela agradesimentu ba familia bo’ot matebian nain lima, ba historik ne’ebe mak sira husik iha timor leste no agradese mos ba komisaun organizadora,administrador bobonaro no autoridade lokal seluk ne’ebe mak fo apoiu ba realizasaun eventu importante ida ne’e.

Partisipasaun iha Formasaun “ Tane ita nia Kultura”

Iha loron 5 no 6 Abril liu ba, Sra. Sekretária Estadu, Maria Isabel de Jesus Ximenes ho ninia komitiva, neébé komposta hosi xefe Gabineti, Sr. Luís Fernanes Alves no responsável ba Imprensa, Sra. Sónia Moura, Desloka ba Suko Lore, Distritu Lautem, atu verifika potensialidade turístisa sira neébé rejiaun neé oferese, partisipa iha formasaun “ Tane ita Nian Kultura”, Inagura abertura Festival Kultura Lospalos, eventu rua neébé organiza hosi ONG Many Hands ho apoiu husi Sekretaria Estadu Arte no Kultura.

Iha loron dahuluk, 5 Abril, konvite hosi ONG atu participa iha Formasaun “ Tane ita Nian Kultura”, iha ninia intervensaun hanesan orador, Sra. Sekretária Estadu apresenta aspetu oioin konaba importánsia neébé kultura iha ba formasaun ba ita nia sosiedade, hanesan mos ninia importánsia atu preserva. No aproveita mos okajiaun neé hodi apela ba joven atu hatene diak no orgulla ninia kultura, tradisaun sira neébé hola parte ba identidade ida-idak nian, tamba neé mak heransa neébé beiala sira husik mai ita.

Formasaun neébé konta mos ho participasaun Diretor Organização Luta Hamutuk, Sr. Mericio Akara no Artista Plástika, Sra. Maria Madeira.

Iha 6 Abril participa iha abertura Festival Kultura Lospalos, Sra. Secretaria de Estado Maria Isabel de Jesus Ximenes agradece ba komunidade lokal ba konvite no felicita komunidade ba realizasaun Festival Kultural no konsidera eventu ida importante tebes atu valoriza no promosaun ita nia kultura.