Secretaria Estado Arte Cultura: Evento Corrida Ro Hosi Darwin Mai Timor Leste

Sekretaria Estadu Arte no Kultura, Sra. Maria Isabel de Jesus Ximenes, desloka ba Darwin(Australia) hodi halo abertura ba evento Corrida Rõ ne’ebe mak realiza iha loron 13 fulan Jullu 2013.

Iha fatin serimonia nian, Sekretaria Arte no Kultura ne’ebe mak akonpanadu husi Chefe Nortern Territory Sr.Adam halo abertura ba rõ partisipantes hamutuk nain 10 ne’ebe mak sei inisia kompetisaun hahu hosi sidade Darwin no sei remata iha sidade Dili.

Iha serimonia ne’e, Secreataria Estadu Arte no Kultura halo diskursu hodi hateten katak atividade corida Rõ ne’ebe organizadu hosi Ministeriu Turismu no hetan apoiu hosi Governu Australianu, laos sai hanesan atividade dahuluk, maibe atividade ne’e realize ona tinan-tinan ho numeru siknifikativu partisipantes sira. Ne’e dunik, Sra. Maria Isabel de Jesus Ximenes, hein katak atividade Corrida Rõ sei kontinua ba tinan oin ho espiritu partisipasaundiak liu tan. Akontesimentu ne’e rasik atrai ema barak atu mai vizita ita nia rai hodi nune’e bele halo investimentu iha timor laran. Liu husi investimentu sira mak bele garante dezenvolvimentu ba ekonomi Timor-Leste, ita nia ekonomia iha timor leste.

Iha ninian diskursu Chefe Northen Territory, Sr. Adam hateten objetivu husi eventu ne’ebe atu promove turismu no hasa’e ekonomia iha nasaun rua, Timor Leste no Australia.