Serimonia Tomada de Posse ba Funsionario Ministeriu Turismo no Secretaria Estado Arte E Cultura

Iha loron 07 fulan Agostu, Prezidente Komisaun Funsaun Publiku, Liborio Pereira akompana hosi Ministru Turismo, Francisco Kalbuady Lay, Secretaria Estado Arte no Kultura, Maria Isabel de Jesus Ximenes, fo pose ba funsionario Ministeriu Turismo Arte no Kultura iha CCD.

Ministru Turismo, Francisco Kalbuady Lay, iha ninia diskursu hateten nia fo parabens ba funsionario 38 ne’ebe simo ona pose ba kargu Diretor Jeral, Diretor Nasional no mos Xefi Departementu atu bele hala’o servisu ho diak hodi nune bele lori Ministeriu Turismo no Secretaria Estado Arte no Cultura ne’e ba oin hodi nune bele hetan susesu.

Iha fatin hanesan, Ministru Turismo, Francisco Kalbuady lay, hateten nia hakarak funsionario sira servisu halo didiak, nia mos prontu koopera servisu hamutuk ho funsionario liu-liu imi sira nebe agora simo pose. Funsionario 38 ne’e kompostu husi diretor jeral nain 3, diretor nasional nain 10, xefi departemento nain 21, Inspektor 2, Sub-inspektor nain 1 no Administrador nain 1.

Marka prezensa iha serimonia ne’e, Ministru Turismo, Francisco Kalbuady Lay, Sekretariu Estadu Arte no Kultura, Maria Isabel de Jesus Ximenes, Primeira Dama, Isabel Pereira, Ministru Justisa, Dionisio Babo, Sekretariu Estadu Komunikasaun Sosial, Nelio Isaac, Prezidenti Komisaun Funsaun Publiku, Liborio Pereira no membru deputado. (Jonas)