Secretaria Estado Arte e Cultura hala'o semináriu Fulan tolu (trimestral) nian

Sekretaria Estadu Arte no Kultura hala'o seminariu kona-ba planu fulan tolu nian, iha loron 05 fulan Jullu, iha salaun reuniaun CCD.

Sekretária Estadu Arte no Kultura, Maria Isabel de Jesus Ximenes, iha nia discursu hateten seminariu ne'e importante tebes ba funsionariu Sekretaria Estadu Arte no Kultura nian, atu bele hatene saida mak Sekretaria ninia hakarak atu hala'o iha tinan 2014. Nia husu mos ba Diretór Nasional, Xefi Departementu ho Funsionariu sira atu kumpri óras servisu nian ho responsabilidade. Sua Excelencia mos temi kona ba avaliasaun ba atividade servisu fulan tolu (Trimestral), template ba osamento no planu ezekusaun orsamento fulan tolu oin mai, atu bele ezekuta osan ho responsabilidade.

Depois de diskursu Sua Excia nian, diresaun hotu hotu, hahu hosi Diresaun Jeral toó Diresaun Nasional sira, hatoó sira nia relatóriu badak kona-ba atividade iha fulan tolu nia laran no programa ba fulan tolu oin mai. Parte hosi equipa Média SEAK nian mós aproveita oportunidade neé hodi relansa pájina web-site Sekretaria Estadu nian neébé atualizadu tiha ona iha conteúdu no implementasaun funsionalidade foun no “layout” ba Sua Excia Sekretária Estadu no funsionáriu hotu. 

Seminariu ne'e konta ho partisipasaun husi Sua Excia Sekretária Estadu, Diretora Jeral, Diretór Nasional sira, xefe departamentu sira inklui funsionáriu SEAK nian. Ikus liu, Sua Excia Sekretária Estadu nomea reprezentante ida-ida hosi gabinete no diresaun atu sai ponto fokal atu fornese informasaun no programa diresaun sira nian ba ekipa Média hodi bele atualiza nafatin planu atividade Sekretaria Estadu Arte no Kultura nian iha Website.

Secretaria Estado Arte e Cultura,Sra Maria Isabel de Jesus Ximenes halo Discursu.
 

Xefi Gabinete Secretaria Estado Arte e Cultura ho Assesora Dalia Mesquita sai hanesan notulen ba seminariu fulan tolu.

Funsionario Hosi Secretaria Estado Arte e Cultura rona Discursu Hosi Sua Excelencia Sra. Maria Isabel de Jesus Ximenes.